COVID-2019
в Казахстане



Вся информация здесь

Выздоровевших

Зарегистрированных случаев

Зарегистрированных случаев в Костанайской области

Летальных случаев

Социум

Балалардың жүзінен күміс күлкі төгілді

Көп балалы және қамқорлыққа мұқтаж отбасыларының балаларына арналған қайырымдылық іс-шарасы ұйымдастырылды

Облыс орталығымен іргелес жатқан Тобыл қаласындағы «Маңдай батыр» мешітінің ұжымы бас имам Асылхан қажы Түсіпбектің басшылығымен талай жүрекке қуаныш ұялататын қайырымды іс-шараларға ұйытқы болып келеді.

Күні кеше ғана көп балалы және қамқорлыққа мұқтаж отбасылардың кішкентай балаларының есінде сақталар ізгі шаралар ұйымдастырылды. Мәселен, әлгі ұлдар мен қыздар шаһардағы супермаркеттерде орналасқан ойын алаңдарында болып, шаттыққа бөленді.

Сондай-ақ олар өздеріне ерекше таңсық жылқыларға мініп, табиғатты тамашалады. Осы шара барысында балдырғандар мұздан жасалған сырғанақ орындарына да барып, ұмытылмас әсер алды.

Әрине, балаларын айрықша ойын-думанға кенелткен мешіт ұжымына ата-аналар қауымы шын жүректен шыққан шынайы алғыстарын жеткізді. Иә, қай бала болмасын бақытты болуға лайықты. Олардың жүзінен күміс күлкі нышанын көрудің өзі бір ғанибет емес пе?

Аягөз КӘКІМЖАНОВА


Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77