Қазақстан мұсылмандары діни басқармасының Шариғат және пәтуа бөлімінің басшысы шейх Алсабеков Мухаммад-Хусайн қажы Усманұлы іс-сапармен Қостанайға келді. 

Ол өзінің сапары барысында «Қоғамдық келісім үйінде» шешен диаспорасының және Қостанай облысы әкімдігінің дін істер басқармасының өкілдерімен кездесті.

Сонымен қатар Хусайн қажы Әулиекөл ауданындағы Құсмұрын кентінде де шешен ұлты өкілдерімен жүздесіп, қазіргі таңда жат ағымнан сақтану, діни сауаттылықты көтеру, діни экстремизм және терроризм көріністерінің алдын алу мәселелері туралы сөз қозғады.

Кездесу барысында жиналғандардың көкейде жүрген сауалдарына нақты жауап берді. Сондай-ақ алдағы уақытта жұртшылық тарапынан сауал туындайтын болса, тек ғана ҚМДБ-ның жергілікті жердегі өкілдеріне жүгіну керектігін ескертті.

Жалпы, басқосулардан өңірдегі мұсылман қауымы қаншама ұмытылмас әсер алды.

 

Аягөз КӘКІМЖАНОВА

Loading...

Создать профиль



Войдите в свою учетную запись