Қаңтар айындағы ҰБТ-ға өтініш қабылдау 20 желтоқсаннан басталып, 30 желтоқсанға дейін жалғасады. Тіркелу Ұлттық тестілеу орталығының app.testcenter.kz сайтында немесе UTO қосымшасы арқылы жүзеге асырылады. ҰБТ 10 қаңтар мен 10 ақпан аралығында өтеді.
Білім бөлімінің айтуы бойынша жазғы ҰБТ нәтижесінде шекті балл жинай алмаған және шартты түрде ақылы негізде ЖОО-ға қабылданғандар, ЖОО-да оқитын, шығармашылық білім беру бағдарламаларынан басқа бағыттарға ауысқысы келетіндер, педагогикалық бағыттарға ақылы негізде ауысқысы келетіндер, ЖОО-ға ақылы негізде оқуға түсуді жоспарлаған мектеп бітірушілері тест тапсыра алады.
– Тестілеуге қатысушылар өздеріне ыңғайлы орынды, күнді және уақытты таңдай алады. Пәндер саны өзгеріссіз қалады, үш міндетті және екі бейіндік пән. Сұрақтардың жалпы саны – 120. «Қазақстан тарихынан» 20 тапсырма. «Оқу сауаттылығынан» 10 тапсырма. «Математикалық сауаттылықтан» 10 тапсырма. Екі бейіндік пәннен әрқайсысы бойынша 40 тапсырма. Ең жоғары балл – 140, – деп хабарлады.
Тестілеу уақыты – 4 сағат (240 минут). Ерекше білім беру қажеттіліктері бар балаларға қосымша 40 минут беріледі. Толық ақпаратты білім бөлімінен немесе Ұлттық тестілеу орталығының ресми сайтынан алуға болады.
Аяжан СЕРІК,
сурет архивтен алынды
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77