Біз бүгін қалалық мәслихаттың депутаты Анар Кабдулиноваға жолығып, бірнеше сауалымызды жолдаған болатынбыз
– Сайлауға дейінгі уәде. Анар Алибаевна сайлауалды бағдарламаңызда қандай мәселеге басымдық беріп едіңіз?
– Сұрақтарға жауап бермес бұрын, сайлауалды бағдарламаның барлық стратегиялық бағыттары өте өзекті екенін атап өткім келеді. Қалалық мәслихаттың депутаты және білім беру мекемесінің басшысы ретінде ғана емес, сондай-ақ ана ретінде де мен үшін басымдықтар біздің балаларымызға қатысты маңызды мәселелерге айналғаны сөзсіз. Олардың денсаулығы, лайықты және сапалы білім, бұл болашақта олардың арманын жүзеге асыруға көмектеседі-ұнайтын мамандықты таңдау. Өйткені, біздің балаларымыз – елдің болашағы. Жалпы білім беретін мектептің басшысы ретінде мемлекеттің кешенді қолдауына ие болатын ерекше қажеттіліктері бар балалар туралы айтылған сәттерді атап өткім келеді. Әлеуметтік қорғау туралы яғни, аз қамтылған және көп балалы отбасыларға көмек көрсету. Сайлауалды бағдарламамда балалардың оқуын және олардың мектепте болуын жайлы ететін жағдайларға қатысты мәселелер ескерілгені өте маңызды болды: тегін тамақтану, балаларға арналған цифрлық оқулықтарды енгізу, сондай-ақ қауіпсіз оқытуды ұйымдастыру. Балалардың қосымша дамуына үлкен көңіл бөлу. Өйткені, біз неғұрлым талантты, білімді және патриот балаларды тәрбиелесек, елдің жалпы әл-ауқатын арттырамыз.
– Сіздің ойыңызша6 белсенді депутат қандай болуы керек?
– Менің ойымша, белсенді депутат – бұл біршама қате анықтама. Өйткені сайлану дегеніміз – белсенді өмірлік ұстанымға ие болу. Депутаттың жоғары жауапкершілігі болуы керек. Мен депутат ретінде әлеуметтік бағыттағы түрлі комиссияларға қатысамын. Мысалы 1941 жылғы 22 маусым мен 1945 жылғы 9 мамыр аралығында кемінде 6 ай жұмыс істеген адамдарға еңбек өтілін белгілеу үшін арнайы комиссия, атаулы әлеуметтік көмек көрсету жөніндегі комиссиясы, Қостанай қаласы әкімдігінің жанындағы «Жас шаңырақ» бағдарламасына қатысушыларды іріктеу жөніндегі және мектепке дейінгі тәрбие мен оқытуға мемлекеттік білім беру тапсырысын алуға арналған конкурстық рәсімге қатысуға мектепке дейінгі ұйымдардың тізбесін қалыптастыру жөніндегі комиссия. Қоғамдық қабылдау бөлмесінде қабылдаулар өткіземін, сайлаушылармен кездесемін, елімізде болып жатқан өзгерістер мен реформалар бойынша түсіндіру жұмыстарын ұйымдастырамын.
– Қай депутат болмасын өзіне жақын саланың жайын ойлайтыны белгілі. Мектеп, білім саласына қатысты қандай жұмыстар атқардыңыз?
– Ең алдымен, қаланың білім беру саласынан депутат болу – үлкен сенім екенін айтқым келеді. Әрине, білім беру мәселелері қаралған кезде құзыретті болуға тырысамын. Қала мектептері үшін бюджет қаражатын бөлу жөнінде ұсыныстар енгіземін, ерекше білім беру қажеттіліктері бар балаларды әлеуметтік қолдау мәселелері жөніндегі комиссияларға қатысамын. Әлеуметтік мәселелер, отбасылық-демографиялық саясат және білім беру саласының мәселелері қаралатын Қоғамдық бірлестіктермен байланыс жөніндегі комиссияда боламын.
– Халық пен депутат қандай байланыста?
– Мен ешқашан екі ұғымды бөлмедім. Мен қарапайым адаммын, тек үлкен жауапкершіліктемін. Мұнда бастысы – ар-ұжданмен өмір сүру және жұмыс істеу. Халықтың сенімін жоғалтпау, барлығына үлгі болу, жайлы, қауіпсіз, толық, барлық мағынада, адамдардың өмірі үшін жұмыс істеу – менің басты және маңызды міндетім.
– Әлеуметтік желіде белсендісіз бе?
– Менің әлеуметтік желідегі белсенділігіме келетін болсақ, мұны Instagram және Facebook-тегі әлеуметтік беттерімнен көруге болады.
– Сөз соңынан алғысымызды білдіреміз.
Жан ШАЙМЕРДЕН,
сурет кейіпкерден
алынды
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77