Балалар құстарға қамқорлық танытты
Табиғатты қорғау барлық адам баласына парыз. Соның ішінде құстарға бөлек тоқталып өткенді жөн көріп отырмын. Ата-бабаларымыз сұлуын аққуға, батырын қыранға, әншісін бұлбұлға теңегені де бекер болмаса керек.
Көктем жыл құстарының оралатын сәті. Осындай кездері оларға кішкентай балғындар жылы ұя жасап қарсы алып жатады.
Осы ретте Н.Наушабаев атындағы Затобол мектеп-гимназиясының шағын орталығындағы «Құлыншақ» тобында «Құстар-біздің досымыз!» деп аталатын тәрбиелік сабағын өткіздім.
Осы маңызы зор сабаққа тобымыздың тәрбиеленушісі Айсұлтан Ақмалайдың отбасы атсалысты. Оның әкесі құстарға арнап ұя жасап, шағын орталығымызға әкеліп, балаларға ерекше шаттық сыйлады.
Құстардың ұясын көрген тәрбиеленушілеріміз өздерінің қызығушылықтарын танытып, құсқа әрдайым қамқор болу керек екендігін түсінді.
Тобымыздағы балаларға осындай қуаныш сыйлаған Ақмалай отбасының мүшелеріне ризышылығымды білдіремін.
– Балғындарды әрдайым қамқорлыққы, адамгершілікке, бір-біріне деген құрметке тәрбиелейтін шағын орталықтың жұмысы қашан да жауапты, – дейді «Құлыншақ» тобының тәрбиешісі Данагүл Қабылова.
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77