2GIS-тегі балалар профилі: қозғалыс тарихы, жүрген жері және телефон заряды

Баланың қайда екенін және оның жағдайы жақсы екенін білу қазір оңай. 2GIS-те “Картадағы достар” функциясында балалар профилі пайда болды. Ата-аналар баланың қазіргі жүрген жерін, телефонының заряд деңгейін көре алады және қозғалыс туралы хабарлама алады. Жақында қозғалыс тарихы да қолжетімді болады — бұл ата-аналарға баланың қайда екенін түсінуге, әдеттегі маршруттан ауытқуларды байқауға және егер бірдеңе дұрыс болмаса, уақытында әрекет етуге көмектеседі. Бұл жағдайда геолокацияны басқа достардан стандартты режимде жасыра алады, ал қозғалыс тарихы тек ата-анаға ғана қолжетімді болады. Бұл – тұрақты баптаулар. Қате немесе кездейсоқ жағдайда да олар өзгермейді.

Профиль құпия түрде жұмыс істейді: ол басқа пайдаланушыларға көрінбейді және ата-аналар баланың барлық жаңа достарын бірден көріп отырады. Бұл жағдайда баланың ата-анасын тізімнен алып тастауға, жүрген жерін жасыруға немесе аккаунттан шығуға мүмкіндігі жоқ.

Мектеп пен үй сияқты “жиі баратын орындарға” бару туралы хабарландыруларды орнатуға болады. Осылайша ата-аналар баланың сабаққа барғанын немесе үйге қайтқанын біліп отырады, сонымен қатар екі арадағы жолды бақылайды.

Балаға арналған балалар профилін қалай қосады

1. 2GIS қосымшасына кіріп, балаңызды достар тізіміне қосыңыз. 

2. Егер бала достар тізімінде бар болса, оның профилін 2GIS-те ашып, “Аккаунтты балалар профиліне ауыстыру” батырмасын басыңыз (тек 14 жасқа толмаған баланың аккаунтын қоса аласыз).

3. Қосқаннан кейін бір реттік код келеді, оны баланың құрылғысына енгізу керек. Баланың құрылғысына код енгізілгеннен кейін аккаунт балалар профиліне ауысады. 

Іске қосылғаннан кейін қосымша мүмкіндіктер пайда болады: мысалы, балаға қарай тікелей жол салу, жаңа достар туралы хабарлама жіберу және телефонның өшірулі немесе байланысын жоғалтқаны туралы сигнал жіберу. Картада бала басқа контактілер арасынан оңай табылуы үшін арнайы маркермен ерекшеленеді.

Енді сағат сайын «Сен қайдасың?» деп қоңырау шалудың қажеті жоқ. Ата-аналар тыныш, ал балалар әрқашан хабарда болады.