Культура

Ахмет Байтұрсынұлының ауылында медициналық пункт пен жолдың құрылысы жүріп жатыр

Ұлт ұстазының мерейтойына орай облыс әкімдігінде кеңес өтті

Қостанай облысының әкімі Архимед Мұхамбетов Ахмет Байтұрсынұлының туғанына 150 жыл толуына орай ұйымдастырылатын іс-шаралардың  жүзеге асырылуы  бойынша кеңес өткізді,- деп хабарлайды  tobyl-torgai.kz. сайты.

Кеңес барысында, облыстық басқармалардың басшылары, Жангелдин ауданының әкімі, мердігер ұйымдардың өкілдері жоспарланған іс-шаралардың дайындық барысы туралы есеп берді.

Сондай-ақ Алматы қаласы мен Торғай ауылындағы Ахмет Байтұрсынұлы атындағы музейлердің директорлары сөз сөйледі.

Бүгінгі таңда Ақкөл ауылында медициналық пункт пен Ахмет Байтұрсынұлы ауылына дейінгі жолдың құрылысы жүріп жатқаны және елді-мекенде  табиғи демалыс аймақтарын абаттандыру жұмыстары қарқын алғаны жайында хабарланды.

Кеңес қорытындысы бойынша әкім облыстық басқармалардың басшыларына, Жангелдин ауданының әкіміне барлық жоспарланған жоба мен іс-шараларды сапалы және уақытылы орындау жөнінде тапсырма берді.


Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77