Мемлекет басшысының Жарлығымен Солтүстік Қазақстан облысының әкімі болып Нұрмұхамбетов Гауез Торсанұлы тағайындалды. Ол 2023 жылғы 25 қаңтардан бастап Қостанай облысынан Қазақстан Республикасы Сенатының депутаты болды. Енді бізде Қостанай облысынан бос орын пайда болды
2023 жылғы 20 қазанда Нұрлан Әбдіровтің төрағалығымен онлайн – режимде Қазақстан Республикасы Орталық сайлау комиссиясының отырысы өтті, онда 2023 жылғы 20 желтоқсанға Қазақстан Республикасы Парламенті Сенатының депутатын шығудың орнына Қостанай облысынан сайлауды тағайындау туралы мәселе қаралды, сондай-ақ осы сайлауды дайындау және өткізу жөніндегі негізгі іс-шаралардың Күнтізбелік жоспары бекітілді.
Сайлау заңнамасына сәйкес Сенат депутаттары жасырын дауыс беру арқылы жанама сайлау құқығы негізінде сайланады. Жанама сайлау құқығы Парламент Сенатының депутатын сайлауға тек сайлаушылар-мәслихат депутаттары ғана қатысатынын білдіреді.
Кандидаттарды ұсыну мәслихаттардың сессияларында, сондай-ақ өзін-өзі ұсыну тәртібімен жүзеге асырылады. Өз өкілдері арқылы мәслихаттарда кандидаттарды Саяси партиялар мен қоғамдық бірлестіктер ұсынуға мүмкіндігі бар.
Конституцияға және заңнамаға сәйкес Парламент Сенатының депутаты жоғары білімі және кемінде бес жыл жұмыс өтілі бар, сондай-ақ біздің еліміздің аумағында соңғы он жыл және ол ұсынатын өңірде (яғни Қостанай облысында) кемінде үш жыл тұрақты тұратын 30 жастан кем емес Қазақстан азаматы бола алады.
– Парламент Сенатының депутаттығына кандидат ретінде тіркелу үшін үміткерге облыстың барлық мәслихаттары депутаттарының жалпы санының кемінде он пайызынан қолдау алу қажет. Бұл қолдау мәслихат депутаттарының тиісті қолдарының жиналуымен куәландырылады. Сенат депутаттығына кандидат тіркелгенге дейін, оның Конституциямен және сайлау туралы заңмен қойылатын талаптарға сәйкестігін тексергеннен кейін, сондай-ақ оны қолдауға жиналған қолдарды тексергенге дейін сайлау жарнасын енгізеді. Биыл ол 1 050 000 теңгені құрайды, – дейді Қостанай облыстық сайлау комиссиясының төрағасы Александр Малашко.
Бұдан басқа, кандидат пен оның жұбайы (зайыбы) тіркелгенге дейін тұрғылықты жері бойынша салық органдарына активтері мен міндеттемелері туралы декларация беруге міндетті.
Орталық сайлау комиссиясы бекіткен Күнтізбелік жоспарға сәйкес Қостанай облысынан Парламент Сенатының депутаттығына кандидаттарды ұсыну 21 қазаннан басталып, ағымдағы жылдың 19 қарашасы сағат 18.00-ге дейін жалғасады. Үміткерлерді тіркеу 29 қарашада сағат 18.00-ге дейін өтеді, ал сайлау науқаны 29 қарашада жергілікті уақыт бойынша сағат 18-ден кейін басталып, 2023 жылдың 19 желтоқсанында нөл сағатта аяқталады.
Дауыс беруді, дауыстарды санауды және нәтижелерді жариялауды Қостанай облысының аумақтық сайлау комиссиясы бір күн – 20 желтоқсан ішінде жүргізеді. Парламент Сенатының депутатын сайлау қорытындыларын ҚР Орталық сайлау комиссиясы сайлау өткізілген күннен бастап жеті күн мерзімнен кешіктірмей-ағымдағы жылғы 26 желтоқсаннан кешіктірмей белгілейді және сайлау қорытындылары туралы бұқаралық ақпарат құралдарында хабарлама жариялайды.
Бұдан басқа, отырыста «2023 жылғы 29 қазанға тағайындалған Қазақстан Республикасы мәслихаттарының депутаттарын сайлау бойынша дауыс беруге арналған сайлау бюллетеньдері туралы», «аудан, облыстық маңызы бар қала, аудандық маңызы бар қала, ауыл, кент, ауылдық округ әкімінің сайлауы бойынша дауыс беруге арналған сайлау бюллетеньдері туралы» Қазақстан Республикасы Орталық сайлау комиссиясының қаулылары қабылданды округтер».
Аяжан СЕРІК,
сурет ашық ақпарат көзінен алынды
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77