Қазіргі таңда жасалып жатқан жұмыстар саны көп

Қостанайда қазақ тілін белсенді түрде насихаттап, оны тұрғындар үшін қолжетімді әрі тартымды етіп, түрлі жиындар ұйымдастырылуда. Соңғы жылдары қала әртүрлі іс-шараларды, шеберлік сыныптарын және тегін курстарды ұсына отырып, тіл мен мәдениет саласында нағыз тәжірибеге ие болды.

«Қазақстан-2050» Стратегиясы – қалыптасқан мемлекеттің жаңа саяси бағыты» атты Жолдауда: «Тілге деген көзқарас, шындап келгенде елге деген көзқарас екені даусыз. Сондықтан, оған бей-жай қарамаймыз. Қазақ тілі жаппай қолданыс тіліне айналып, шын мәнінде мемлекеттік тіл мәртебесіне көтерілгенде, елімізді Қазақ мемлекеті деп атайтын боламыз» – деген болатын.

Мемлекеттік тіл тәуелсіздігіміздің жырын жырлап, бұғанасын қатайтты. Облыста «Тіл – халық рухы» ашық есік күні өтті, оның ұйымдастырушысы «Тілдарын» тілдерді оқыту орталығы болды. Екі күн бойы Талдықорған, Тараз, Шымкент, Атырау, Жамбыл, Қызылорда сияқты Қазақстанның түрлі қалаларынан келген қонақтар жинақталған тәжірибелерімен бөлісіп, шеберлік сыныптарын өткізді. Сондай-ақ елдің солтүстік өңірлерінде мемлекеттік тілді дамыту бойынша бірқатар мәселелерді талқылады. Еліміздің үздік оқытушыларының бірі Қостанайға келді. Әркім өз тәжірибесімен және оқу бағдарламасымен бөлісті. Бүгінгі таңда көптеген әдістер бар дейді. Ең бастысы-тіл үйренуге деген ұмтылыс.

– Жалпы облыс бойынша 20 тілдерді оқыту орталықтары бар. Барлық аудандық,қалалық тілдерді оқыту орталықтарынан келген оқытушылардың қоржыны тиімді әдіс-тәсілдерге толып,қажетті ақпарат алды деп ойлаймын. Қазіргі таңда тіл үйренеміз деушілердің саны артып келеді. Тіл үйренемін деушілерге барлық жағдай жасалған. «Тілдарын « облыстық тілдерді оқыту орталығы тегін курстар ұйымдастырады. Жылдан-жылға қазақ тілін оқып, үйренгісі келетін азаматтардың саны артуда. Орталықта мемлекеттік қызметшілер мен бюджет саласының қызметкерлері сонымен қатар өтініш арқылы қала тұрғындары да оқытылады, – дейді «Тілдарын» облыстық орталығының басшысы Тоты Айтмағамбетова.

Осындай жиындар өңірімізде қазақ тілінің деңгейін жақсартуға ғана емес, сонымен қатар достық және қолдау атмосферасын құруға ықпал етеді.

– Былтырғы жылы қазақ тілі бойынша 500 тыңдаушы болса, биылғы жаңа оқу жылында мемлекеттік тіл бойынша 650 ден астам тыңдаушы қамтылған болатын. Орталықта тек мемлекеттік тіл ғана емес ағылшын тілі және өзге ұлт өкілдерінің ана тілдері де оқытылады. Ана тілдері жексенбі күндері жүргізіледі. Жалпы мемлекеттік тіліміздің қолданыс аясын кеңейтуге байланысты бірқатар жұмыстар жүргізілуде. Атап айтқанда үстіміздегі жылдан бастап медицина саласының қызметкерлері үшін «Тil laif›” жобасы жүзеге асырылуда, – деп «Тілдарын» облыстық орталығының басшысы Тоты Айтмағамбетова айтып өткен болатын.

Тілді дамытуға бағытталған бағдарламалар мен бастамалар санының артуымен қазақ тілі мен мәдениетіне деген қызығушылықтың одан әрі артуын күтуге болады. Өңірде қазақ тілінің тұрақты дамуы мен өркендеуін қамтамасыз ету үшін осы бастамаларды қолдауды және дамытуды жалғастыру маңызды. Қостанайда қазақ тілін дамытудың елеулі аспектілерінің бірі осы іс-шаралар санының артуы болып табылады. Үнемі өткізілетін кездесулер, семинарлар мен мастер-класстар тіл үйренуді жаңадан бастағандарды да, дағдыларын жетілдіргісі келетіндерді де қызықтырады.

Мемлекеттік тіл – саяси тұрғыдан да қажет. Мемлекеттік тілде көпұлтты мемлекеттің ұлттық құрамына және құқық қорғау және армия бөлімдерінің соттарында оқу орындарында, мәдениет, баспасөз және байланыс орындарында іс жүргізуді ұйымдастыруға сәйкес іс жүргізу жүргізіледі. Тілдің мүмкіндіктерін жақсарту және кеңейту үшін бағдарламалар әзірленуде.Ана тілімізді дамытуға әрбір мемлекеттік қызметкер өз ісімен, сөзімен жеке үлгі көрсетуі тиіс болса, ал ресми шаралардың барлығы мемекеттік тілде жүргізіліп, тілге деген қызығушылықты арттыруға қоғамның өзі мүдделі болуы шарт. Қазіргі таңда әр қызметкер мемлекеттік тілді білуі шарт. Сонымен қатар құжаттар екі тілде жүргізіледі.

Аяжан СЕРІК,
суретті ұсынған «Тілдарын» орталығы