COVID-2019
в Казахстане



Вся информация здесь

Выздоровевших

Зарегистрированных случаев

Зарегистрированных случаев в Костанайской области

Летальных случаев

Экономика

Облыс экономикасына 329,5 млрд теңгеге инвестиция тартылған

Қостанай қаласы құрылыс индустриясында көш бастап тұр

Аймақ басшысы Архимед Мұхамбетовтың қатысуымен кеңес өтті. Онда облыстың 2020 жылғы әлеуметтік-экономикалық даму қорытындысы және 2021 жылға міндеттер талқыланды.

Облыс әкімдігінің экономика және бюджеттік жоспарлау басқармасының басшысы Гүлбарам Мұсағазина өткен жылдың қорытындысы бойынша облыста айтарлықтай өсімнің байқалатындығын айтады.

– Өнеркәсіп өндірісінің өнімі 7,4%-ті, оның ішінде өңдеу саласы -20,2%-ті құрады. Ал, ауыл шаруашылығы бойынша 20,8%, негізгі капиталға салынған инвестициялар 11%-ті құрап отыр, – деп атап өтті Гүлбарам Мұсағазина.

Басқарма басшысының айтуынша, құрылыс саласында ілгерілеу бар, қорытынды көрсеткіші 28,4%. Тұрғын үй саласында 13,1% іске қосу жұмысы атқарылған.

Сонымен қатар, жыл басынан бері өнеркәсіптік кәсіпорындар 1,5 трлн теңгеге өнім шығарған. Оның ішінде өндеуші сектор 868,8 млрд теңгемен 20,2%-ке өскен.

– Қостанай қаласында да өнеркәсіп саласы бойынша 31,4%-тік өсім байқалады. Мұнда, айтарлықтай өсім тапталған болат, тракторлар, жеңіл және жүк көліктерінің қажетті құрылғыларын жасау арқылы артып отыр. Сонымен қатар, шұжық және ұн өндірісінің өсуі де айтарлықтай бар, – деді басқарма басшысы.

Құрылыс индустриясында қарқынды өсу жалғасуда. Айталық, өткен жылы бұл сала 28,4%-ті құраған. Облыстық көрсеткіштің жоғарғы өсімі тізімінде Қостанай қаласы 34,9%-пен көш бастап тұр.

– Облыс экономикасына 11% өсіммен 329,5 млрд теңге инвестиция тартылды. Олардың 66%-ті меншікті және қарыз қаражаты, қалған 34%-ті бюджет қаражаты, – дейді Гүлбарам Мұсағазина.

Өткен жылдың қаңтар-қарашадағы екінші деңгейлі банктердің экономика саласындағы несиелік салымдары 8%-ке ұлғайып, 300,5 млрд теңгені құраған.

– Берілген кредиттердің ең көп көлемі саудаға – 22,1%, өнеркәсіпке – 21,6%, ауыл шаруашылығына – 10,0% тиесілі. Берілген несие ресурстары бойынша орташа алынған пайыздық мөлшерлеме 13,4% құрады, – деді басқарма басшысы.

Кеңес барысында өңір басшысы Архимед Мұхамбетов баяндаманы тыңдап, әлеуметтік-экономикалық дамуды жақсарту бойынша жұмыстарды жандандыруды тапсырды.

Сералы МЫРЗАБАЙ
Суретті ұсынған облыс әкімдігінің баспаөз қызметі


Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77