3 жыл шамасында өз ісімен айналысып келеді
Ежелгі заманнан бері қазақ халқы үшін зергерлік бұйымдар ерекше өнер болып саналды. Зергерлік бұйымдар дәстүрлі ою-өрнектермен, талғампаздықпен және байлықпен ерекшеленді. Сондай-ақ, олар әрқашан жаман көзден қорғайтын амулет болды.
Әрбір этникалық мәдениеттің өзіндік этникалық санасы мен тарихи жады, бұл әлемді дәстүр арқылы сақтауға деген ұмтылысы болғандықтан, мұның бәрі бізге өз халқымыздың құндылықтары мен жетістіктеріне барынша жақындауға, ұрпақтан ұрпаққа жалғасатын барлық байлығымыз бен сұлулығымызды түсінуге мүмкіндік береді. Осылайша, мұның бәрі жаңа, заманауи-дәстүрлі құндылықтардың жаңаруына ықпал етеді. Дәстүрлі мәдениеттің жаңа дәуірі келді. Қазақ ұлттық бұйымдарын күнделікті бейнелермен ұштастыру үрдіске айналды. Кеше ғана ұлттық үлгідегі зергерлік бұйымдарды кию ескірген деп есептелсе де, оларды негізінен әжелер немесе қыздар қазақ іс-шараларында: той, ұзату, беташар және т.б. ұлттық киіммен ұштастыра киген. Қазіргі жағдайда ежелгі зергерлік шеберлердің дәстүрлерін сақтай отырып, жаңа буын өз жұмысын заманауи стильде заманауи тәсілмен: минималистік және талғампаз етіп жасай отырып, жаңа мүмкіндіктер пайда болды. Міне, осындай әшекей – бұйымдарды, сөмкелерді өз қолымен жасайтын Нұргүл Хамзина. 2020 жылы көрпе тігуден бастап, қазір одан басқа сөмкелер, әшекей, қыстырғыштар, тіпті шопперлерді де этно стильде өз қолымен жасап, тігуде.
– Үшінші топтың мүгедегі болғандықтан, үйде жай отырмай табыс табайын деп жұмыспен қамту орталығына барып, модельер закройщик курсын оқып алдым. Содан кейін грант ұтып алып, көрпе, қоржыннан бастап осылай ісімді жалғастырдым. Бастапқыда тойға керекті нәрселерді жасадым. Содан кейін 17-18 ғасырдағы әшекейлер жайында әжем айтатын, соны есіме түсіріп әшекей жасай бастадым.Әрбір әшекейдің өзінің сөздері, сұраулары бар, – дейді қолөнерші.
Нұргүлдің айтуынша, шетел мемлекеттері әлде қайда дамыған, өзінің стильдерін сақтап келе жатқан елдерде бар. Солар сияқты қазақша стильдегі заттарды көрсеткісі келген. Қолөнершіліктің басшысы Сәуле Кабидулинаның арқасында қыз – келіншектер өзіне жақын істі тауып, сол бойынша табыс табуда. Оларды қолдап, түрлі жәрмеңкелерге қатыстырып, жан – жақты көмек қолын созып жүр.
– Бізді Сәуле ғана қолдайды. 21 шебершілер бар, барығымыз үйде қолдан тігеміз.Сатып алып келу деген жоқ. Тіпті, мынау тұрған Ресейден де тапсырыстар келіп жатады, – дейді.
Қазіргі таңда жастар арасында шашбау, білезік тақия сұранысқа ие. Жақында өткен қойылымда да Нұргүл жасаған бұйымдарды қолданым, заманауи стильдегі образды көрсете білген.
Осы сұраныс аясында заманауи-дәстүрлі бұйымдардың шағын қазақстандық брендтері пайда болды. Интернеттегі дүкендер зергерлік бұйымдарды сатумен қатар, заманауи сәнді ұлттық өнімдермен қалай үйлестіруге болатындығын, жаңа ерекше трендтерді ойлап табатындығын көрсетеді.
Егер сіз өзіңіздің күнделікті стиліңізге әсер еткіңіз келсе немесе әдеттен тыс нәрсе қосқыңыз келсе, онда сіз ежелгі ұлттық және заманауи көріністі араластырып көруіңіз керек.
Қазақтың әшекейлері трендке айналды-бұл бүкіл өнер, халықтың ұлттық, мәдени және рухани мұрасының бір бөлігі және бүкіл әлемге әйгілі ететін ерекшелігіміз.
Аяжан СЕРІК,
суретті түсірген
Лариса БОЖКО
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77