Біздің аймақтағы ат спорты соңғы жылдары айтарлықтай дамып, жақсы көрсеткіштерге қол жеткізді. Бұл дәстүрлі ат жарысына да, көкпарға да қатысты
Көкпар дәстүрлі қазақ ойыны бола отырып, жергілікті тұрғындар арасында ғана емес, туристер арасында да көбірек көңіл бөлуде. Бұл мәдени мұраны жандандыруға және сақтауға ықпал етеді.
Өңірде ат-спорт клубтары мен ипподромдар белсенді дамуда, жаттығулар мен жарыстар өткізуге жағдай жасалуда. Бұл қатысушылар мен көрермендерді көбірек тартады.
Қостанай көкпар федирациясының оқу-жаттығу жиыны өтетін орын Садчиков ауылында орналасқан. Осы жерде көкпар мен аудрыспақтан Қазақстанда Қостанай облысы үшін қатысатын аттар тұрады және шабандоздар осында дайындалады.
– Ең алдымен “Олжа” деген ат, федерация басшысы Айдарбек Ходжаназаровтың аты, келгеніне үш жыл болды. Осы жылдар ішінде команданы жеңіске сүйреп жүрген аттардың бірі. Футболдағыдай қорғаушы, шабуылшы деген сияқты позициялар бар, соның шабуылшы аты. Сонымен қатар алты жасар “Сомбалақ” деген ат, қазір Қостанайда өте ауқымды дамып жатқан Қостанай тұқым айғыры осы. Бұл қорғаушы позициясында. Осыдан бөлек аттарда бар. Әрбіреуінің өзінің ерекшелігі бар, – дейді Бақдаулет Асанов.
Жекпе-жек айғырыда бар. Биыл Астанада көшпенділер ойыны болады. Сол жерде Қазақстанның намысын қорғайтын аттардың бірі.
Жылқы спортына инвестициялар өсуде, бұл жылқыларды ұстау, оларды жаттықтыру және медициналық көмек көрсету жағдайларын жақсартуға мүмкіндік береді. Барлығы жекеменшік аттар.
– Қазіргі таңда бізден 6 ат және 4 бала Қазақстан намысын қорғау үшін сборныйға шақыртылған. Ол алты аттын үшеуі нақты қатысады. Ал қалғаны тағы іріктеуден өтіп, таңдалатын болады, – деп түсіндірді.
Көкпар шаппаған айғырды дайындау үшін бір-екі жылдай уақыт кетеді. Ал көкпар көрген, далада шауып жүрген атқа 30-40 күн керек. Жалпы жарыстардан демалу үшін, өзінің формасына келу үшін бір айдан аса уақыт қажет. Көкпар шабатын айғыр 5 жасар және одан үлкен болуы керек.
– Қазақстан чемпионаты сәуірдің 29-ы біткен болатын. Енді мамыр айының соңына дейін аттар демалады.Арасында жай дайындықтар жүріп тұрады.Адам сияқты оларғада күш жинап алу қажет болады, – дейді көкпаршылардың бірі.
Қостанай көкпар федерациясында отыз ат бар, оның 12-сі Қостанай құрамасына кіреді. Бір ат бір бөлмелі пәтер ретінде тұруы мүмкін, ал ең қымбат үлгілер үш бөлмелі пәтер ретінде бағаланады. Көкпар ат спорты түрлерінің арасында ерекше орын алады.
Айта кететін жайт, көкпар федерациясы дегеніміз үкіметке ешқандай қатысы жоқ, бұл жердегі аттардың барлығы жекеменшік аттар. Федерация президенті Айдарбек Ходжаназаров. Шынында да ат үстіндегі бұл ойын қатысушылардан тек физикалық күш-жігерді ғана емес, сонымен қатар атпен жүру шеберлігінің жоғары деңгейін, сондай-ақ батылдық пен командалық рухты талап етеді. Қатты қақтығыстар мен шиеленісті күрес көкпарды әсерлі және эмоционалды түрде қарқынды спорт түріне айналдырады.
Инфрақұрылымның жақсаруы және ұлттық спорт түрлеріне ат жарысы мен көкпар сияқты қызығушылықтың артуы жағдайында біздің өңірде ат спортының орталығына айналуға барлық мүмкіндік бар. Бұл спортшыларға жаңа мүмкіндіктер ашады және мәдени мұраны сақтауға ықпал етеді. Көптеген ұрпақтарға қуаныш пен пайда әкелу үшін осы перспективалы спортты қолдауды және дамытуды жалғастыру маңызды.
Аяжан СЕРІК,
суретті түсірген Лариса БОЖКО
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77