Медициналық және әлеуметтік нысандар күшейтілген дезинфекция режиміне өтпек
Қостанай облысының мемлекеттік санитарлық бас дәрігері Владимир Нечитайло төтенше жағдайлар кезіндегі шаралар және уақытша шектеулер туралы мәлімет берді. Оның хабарлауынша, тұрғындардың тыныс-тіршілігін және көлік қызметінің жұмыс істеуін қамтамасыз ететін объектілердің бақылануы күшейтіледі.
Сонымен қатар, жаппай ісшараларға тыйым салынады.
– Әртүрлі халықаралық іс-шараларға саяхаттарға тыйым салынады, сауда және ойын-сауық орталықтарының, кинотеатрлардың, фитнес-орталықтардың, кітапханалардың, компьютерлік клубтардың, диспансерлердің, бассейндердің, дамыту орталықтарының және өзге де қызметтер тоқтатылады. Медициналық мекемеге баруға тыйым салынады, барлық медициналық және әлеуметтік нысандар күшейтілген дезинфекция режиміне өтеді, – деді ол.
Сондай-ақ, діни орындарға намаз оқуға немесе ғибадат етуге баруға болмайды. Асханаларда, кафелерде, мейрамханаларда отбасылық мейрамдарды өткізуге шектеу қойылды. Саябақтарда үш-төрт адамнан артық жиналуға руқсат жоқ. Жалпы, сағат 22.00-ден кейін облыс тұрғындарына сыртқа шықпауға кеңес береді. Тек шұғыл қажеттілік туындаған жағдайда. Айталық, қоқыс шығару керек болса немесе дәріханаға барсаңыз.
– Тротуарлар, аялдамалар, автобустар әр рейстен кейін дезинфекцияланады. Өңірде 300-ден астам ресейлік өндірістің сынақ жүйесі бар, ал басқа күні тағы тесттер келеді. Бұл барлық адамдар үшін жасалынбайды, тек нұсқауларға сәйкес – науқас адаммен байланысқа түскен немесе 1-ші санаттағы елдерден келгендер. Нәтижесі 5-6 сағат ішінде анықталады, – деді Владимир Нечитайло.
Бетперделерге келетін болсақ, жетіспеушілік мәселесі бір апта ішінде шешілетін болады дейді ол. «Большевчика» өндірістік коперативі күніне 10 мың бетпердеден тігіп отырады.
Сералы МЫРЗАБАЙ
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77