Қостанайда «Жанашыр бол» қоғамдық қорының ұйымдастыруымен Пушкин атындағы қалалық балалар кітапханасында отбасы тақырыбына арналған кездесу өтті. Тақырыбы отбасылық қарым-қатынастар: ерлі-зайыптылар, ата-ана мен бала, жұбайлардың туыстары арасындағы байланыс орнату.
Шараға кітапхана қызметкерлері мен қор өкілдері қатысып, ерлі-зайыптылар арасындағы қарым-қатынас, өзара түсіністік пен сенім жайлы пікір алмасты.
Кездесудің негізгі спикері – психолог Людмила Должикова. Ол ерлі-зайыптылар арасындағы қарым-қатынастың берік болуы үшін ең бастысы – ашық диалог пен құрмет екенін атап өтті.
– Көп жағдайда отбасылық жанжалдар ұсақ-түйектен басталады. Бірақ ең маңыздысы – оны қалай шешу керектігін білу. Бір-бірін тыңдау, сезімдерін ашық жеткізу және серіктесінің қажеттіліктерін ескеру – ұзақ әрі бақытты некенің негізі, – деді маман.
Шараға қатысушылар отбасы құндылықтарын нығайту бағытында осындай кездесулердің маңыздылығын атап өтті. Ерлі-зайыптылар арасындағы үйлесімді қарым-қатынас – берік отбасының кепілі, ал мұндай шаралар өзара түсіністікті тереңдетуге көмектеседі.
“Қостанай қаласы әкімдігінің ішкі саясат бөлімі” ММ тапсырысы бойынша “Жастар ортасында қазақстандық отбасының оң имиджін насихаттау” мемлекеттік әлеуметтік жобасы аясында өтуде, “Жаңашыр бол” ҚҚ іске асыруда.
Аяжан СЕРІК,
суреттерді түсірген автор
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77