Ш.Қабылбаев атындағы Қостанай академиясының курсанттары игілігі мол іске атсалысты
Ш. Қабылбаев атындағы Қостанай академсиясының курсанттары еріктілермен бірге ерекше қажеттіліктері бар балаларды тәрбиелеп отырған отбасыларға азық-түлік себеттерін жеткізуге көмектесті.
Республикалық «Халық» қайырымдылық қорының науқаны бір апта бойы жалғасуда. Жеті күн бойы еріктілер облыс орталығында және жақын маңдағы елді-мекендерде тұратын отбасыларға 1000 азық-түлік себеттерін жеткізуі керек еді.
Жастар ресурстық орталығының еріктілер секторы басшысының міндетін атқарушы Сымбат Манатованың айтуынша, бұл істе академия курсанттарының көмектері өте маңызды болған.
-Олар бізге 50 келілік себеттерді өлшеп-орап тиеуге, сондай-ақ межелі жерге жеткізуге көмектесті. Ауа-райының қолайсыздығына қарамастан, ұйымшыл командамыздың арқасында біздің жұмысымыз үйлесімді болды. Әр адам бір ортақ іске өз үлестерін қосып жатқанын түсінді, – дейді ол.
Академия курсанттары көмек қолын созған отбасылардың балалары мен ата-аналарының жүздеріндегі қуанышты байқауға болады. Болашақ полицейлерге олар өздеріне көмек көрсеткендері үшін алғыстарын білдірді.
-Біздің академияда 2 жылдан бері еріктілер клубы жұмыс істейді. Олар қыс уақытында жалғыз басты қариялардың ауласын қардан тазартады. Сонымен қатар «Дельфин» балалар үйінің тәрбиеленушілерінің киім-кешектерін жинасыуға қолғабыс етеді. Мүмкіндігінше сыйлықтар сыйлап тұрады, – дейді академияның баспасөз хатшысы Сәуле Нұрпейісова.
«Қайырымдылық – ұлы іс». Қиналған жанға қол ұшын беру кез-келген жанның парызы болса керек. Сондықтан әр істің қайырымы бар екенін ұмытпайық.
Аягөз КӘКІМЖАНОВА
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77