Біздің Қостанай

Әскери-патриоттық конкурс мәресіне жетті

Қостанай қаласында Қазақстан Республикасы ҰҚК Шекара қызметінің 30 жылдық мерекесіне арналған «Шекара шебінде» әскери-патриоттық конкурсы концертпен аяқталды

Конкурсқа департаментке қарасты бөлімшелерден алғашқы іріктеу кезеңінен өтіп, өз әскери ұжымдарында үздік атанған қатысушылар жиналды.
Қатысушылардың шығармашылығын облысқа танымал өнер иелерінің құрамынан тұратын қазылар алқасы бағалады.

Байқау әскери қызмет өткеріп жатқан жеке құрамның шығармашылық әлеуетін одан әрі дамыту және жетілдіру, тарих пен жауынгерлік дәстүрлерді, шекарашылардың Отанды қорғау жөніндегі жауынгерлігін бейнелейтін жаңа музыкалық-поэтикалық шығармаларды жасау және дәріптеу мақсатында ұйымдастырылды.

Байқауға қатысушылардың репертуарында Отанға деген сүйіспеншілікке, шекара қызметінің қиындықтарына, әскери жолдастық пен достыққа арналған патриотизм мен жоғары азаматтық жауапкершілікке тәрбиелейтін музыкалық шығармалар болды.

Байқаудың нәтижесі бойынша орындар келесідей бөлінді:

Байқаудың Гран-при иегері қатардағы Абай Қосаев. 1 орын – ефрейтор Тимур Біржанов. 2 орын – ефрейтор Айтмағамабет Ысқақ. 3 орын – қатардағы Юрий Артиков.

Байқаудың барлық жүлделі орындарының иегерлері дипломдармен және бағалы сыйлықтармен марапатталды.
Шекара туралы туындылар шекара дәстүрлерінің дамуына ықпал ете отырып, еліміздің шекарашылары мен ұлттық қауіпсіздігіне қол сұғылмаушылықты қамтамасыз етуге қызмет етеді.


Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77