Технологияның дамуымен және интернеттің қол жетімділігімен сатып алу тәсілдері айтарлықтай өзгерді. Енді сатып алушылар онлайн сатып алуды немесе дүкендерге баруды таңдай алады. Екі жолдың да артықшылықтары мен кемшіліктері бар
Онлайн сатып алу тұтынушыларға үйінің немесе смартфонының ыңғайлылығынан сатып алуға мүмкіндік береді. Дүкенге баруға және тұрақ іздеуге уақыт жұмсаудың қажеті жоқ. Интернет-дүкендер әлемнің түкпір-түкпірінен келетін өнімдерді қоса алғанда, тауарлардың үлкен таңдауын ұсынады.
Сонымен, онлайн сатып алу мен дүкенге бару арасындағы таңдау сіздің қалауыңыз бен қажеттіліктеріңізге байланысты. Онлайн сатып алу үлкен таңдау мен ыңғайлылықты қамтамасыз етеді, ал дүкенге бару тауарларды тексеріп алуға мүмкіндік береді. Көптеген тұтынушылар ең жақсы сатып алу тәжірибесін алу үшін екі әдісті де біріктіреді. Кейбір тауарды тапсырыс беріп алса, кейбірін дүкенге барып алады.
– Барлығы интернеттен тапсырыс бере бермейді. Өйткені көбісі киімді немесе аяқ киімді киіп көргісі келеді. Ал онлайн тапсырыс берген сәтте өлшем бойынша дұрыс келмей қалуы әбден мүмкін. Әрине, жастардың көбі тапсырыс берсе де, үлкен жастағы адамдар оның матасын көріп, тексеріп алғанды жөн деп санайды, – дейді «Flo» аяқ киім сату дүкенінің сатушысы Ақтоты.
Джинсы, куртка немесе көйлек болсын, бірдей заттардың өлшемдері әр дүкенде әр түрлі болады. Бір дүкендегі «М» өлшемдері басқа дүкеннің өлшемдерімен сәйкес келмеуі мүмкін. Егер сайт редакторы егжей-тегжейлі өлшемді торды жарияламаса, дұрыс өлшемді таңдау рулеткаға айналады: сәттілік-сәттілік болмайды.
Кейбірі біз ойлағандай келмеуі мүмкін.
Киімдердің матасы басқа болу ықтималдығы жоғары. Сапасы жағынан да жоғарғы деңгейде болмауы мүмкін. Интернеттегі сауда әдеттегіден әлдеқайда жылдам және ыңғайлы болып көрінеді. Бірақ бұл бәрі жақсы болған жағдайда ғана. Шындығында, бәрі әлдеқайда күрделі. Жеткізу мерзімі, әсіресе шетелден, бір айға дейін созылуы мүмкін. Бұрын «Aliexpress» сайтынан тапсырыс берсе, қазір Ресейдің «Wildberries», Қытайдың «Pinduoduo» сайттарынан тапсырыс беріп жатыр. Ал егер зат сәйкес келмесе, кері жіберуге тура келеді. Тағы да, зат жөнелту орталығынан 14-15 күн күту керек.
– Мен көп затты Қытайдың сайттарынан тапсырыс беремін. Егер дұрыс тапсырыс беруді үйреніп алсаңыз, барлық тапсырыс жақсы күйде келеді. Міне, жарты жылға жуық уақыт тапсырыс арқылы қажет заттың бәрін алып жүрмін. Әрине, бастапқыда түсінбейтін сәттер болды. Қазір оп-оңай, барлығы уақытылы келеді. Тіпті, бағалары да өте арзан, – дейді қала тұрғыны Динара Асқарова.
Әлеуметтік желіде дұрыс тапсырыс беру туралы түрлі курстар көп шығып жатады. Бірақ оның барлығы интернетте көрсетілген, жастар арасында тапсырыс беретіндер өте көп. Ол сайттардан үйге арналған керек – жарақты, киім кешекті арзан, әрі жақсы сапада алуға болады. Үлкен бір артықшылығы бұл бағаның үш немесе төрт есе арзан болуы.
Қорыта айтқанда, екі тәсілді де қолдана білген жөн. Кейбірі үшін онлайн тапсырыс, кейбіріне барып алған жеңілірек.
Аяжан СЕРІК,
суретті түсірген
Лариса БОЖКО
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77