Алдағы аптада мемлекеттік грантқа соңғы өтініштер қабылданды. Енді оның жауабы 10 тамызда шығарылады. Қазіргі таңда талапкерлердің көбісі педагогика және IT саласына өтініш берген
Қоғамда әртүрлі кәсіби мүмкіндіктерді ұсынып, талапкерлер үшін ең тартымды екі бағыт – педагогикалық мамандықтар және ақпараттық технологиялар (IT). Екі бағыттың да артықшылықтары мен бірегей аспектілері бар.
Мысал ретінде, Ахмет Байтұрсынов атындағы Қостанай өңірлік университетінде қабылдау комиссиясы жұмысын бастағаннан кейін 1700-ге жуық студент құжат тапсырды. Ол жерде педагогика, ақпараттық технология, құқықтану мамандықтарына тапсырғандар саны көп.
– Негізінен ауылдық жерлерден келген талапкерлер қазір педагогикалық мамандықтарға өтініш беруде. Екі жылдан бері оқуға түсу ұпайы – 75 және одан да көп екендігін барлығымыз білеміз. Бірақ талапкерлер негізінен педагогикалық мамандықтарға түсуде, олардың ішінен көптеген адамдар информатиканы таңдайды, – дейді Ахмет Байтұрсынов атындағы Қостанай өңірлік университетінде қабылдау комиссия басшысы Берген Калаков.
Сарапшылар қазір ең көп сұранысқа ие мамандықтар техникалық және IT екенін растайды. Мұның бәрі Қазақстанда ұзақ жылдар бойы экономистерді, заңгерлер мен менеджерлерді дайындағандықтан. Жыл басында бұл фактіні мемлекет басшысы атап өтіп, білім беруді техникалық рельстерге қоюды тапсырды. Осыған байланысты биыл аталған мамандықтарға гранттар саны 60 пайызға артты.
IT – бұл тез дамып, қазіргі әлемнің ажырамас бөлігіне айналатын сала. IT мамандары бағдарламалық жасақтама, веб-сайт құру, деректерді талдау, киберқауіпсіздік және басқа да жоғары технологиялық міндеттермен айналысады.
Осы бағыттардың әрқайсысының өзіндік ерекше артықшылықтары бар және таңдау әр жеке талапкердің қызығушылықтарына, дағдылары мен мақсаттарына байланысты. Педагогикалық мамандықтар адамдармен тікелей жұмыс істеуге және олардың білімі мен дамуына әсер етуге мүмкіндік береді. Сонымен қатар, IT технологиялар мен инновациялар саласындағы мүмкіндіктер әлемін ашады. Мансаптық өсу мен қаржылық тұрақтылықтың жақсы перспективаларын ұсынады. Қай сала болмасын, өзін-өзі дамытудың және қоғамға үлес қосудың бірегей мүмкіндіктері бар. Қандай таңдау болмасын, ең бастысы-сенімдеріңізді ұстану және кәсіби өсу мен жетістіктерге ұмтылу.
Оған қоса, мемлекеттік гранттан бөлек, Қостанай қаласының әкімшілігі 15 грант бөлсе, оған қоса Қазақстан халқына қорының гранттарыда берілетін болады.
Аяжан СЕРІК,
фотоны түсірген
Лариса БОЖКО
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77