«Достар» КВН лигасының жартылай финалының облыстық фестиваліне Қостанай облысының қалалары мен аудандарынан 6 команда қатысты
Жалпы жүлде қоры 1 500 000 теңгені құрайды. Ойын екі сайыстан тұрды «Визитка» және «Таныс сюжет».
Ойын нәтижесі бойынша көптен күткен финалға келесілер жолдама алды. Команда мүшелері жақсы ойын көрсетті.
«Коперские» (Қостанай қаласы), «Бренд» (Жангелді ауданы), «Канский фестиваль» (Қарасу ауданы), ИП «РФ» (Қостанай қаласы).
Фестивальге облысымыздың белді жүргізушілері мен жайдарманшылары және заманауи блогерлері төрелік жасады.
– КВН лигасының жартылай финалына бірнеше айдан бері тыңғылықты дайындалып, үлкен сахнаны бағындырамыз деген үмітпен келдік. Бастысы қарсыластарыңа күлкі болмай, көрерменді күлкіге қарық қылу. Осы жолы өз-өзімізді таныстырудан бастап, әрбір айтатын әзілімізге ерекше көңіл бөлдік. Өйткені осы ойын арқылы біздің командамыздың тағдыры шешілетінін білдік. Бұл бір, екі күндік қана дайындық емес. Жыл бойы жинап келе жатқан тәжірибеміздің нәтижесі деп білеміз, – деді «Бренд» командасының мүшелері.
Аталмыш командалар алдағы финалдық ойындарда бақ сынап кіл мықтылардың ішінен ең мықтысы таңдалатын болады.
Финал осы жылдың қараша айында өтеді. Финалға аз ғана уақыт қалды. Олай болса барлық командаларға жеңісті, жемісті күндерде жолыққанша дейміз.
– Алдағы уақытта да жастар КВН ойындарына белсенді атсалысады деген ойдамыз. Ең бастысы ойын екі тілде өтуде , бұл тілдік ортаны қалыптастыруға да зор мүмкіндік беретінін көруге болады, -деді әділқазылар алқасының мүшесі, қостанайлық блогер Вера Мадиева.
Жан ШАЙМЕРДЕН, суретті ұсынған Жастар ресурстық орталығы
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77