Ыбырай Алтынсарин атындағы мамандандырылған мектеп-интернатының
7«Б» сынып оқушысы
Бейбітшілік – адамзаттың қасиетті құндылықтарының бірі. Оның ықпалынан еліміз тыныш, тату-тәтті, әрі бақытты өмір сүруде. Соғыстың өткеніне бірталай жылдар өтіп, көп адам қаза тапқан еді. Бірақ сонда да олар игі іс үшін өз өмірлерін құрбан еткен. Содан бері төбемізде бейбіт, ашық аспан орнады.
Бейбітшілік дегеніміз – алаңдаушылықтан толық құтылу. Бұл халықтар арасында соғыс немесе ұрыс болмайтын уақыттарды білдіреді. Әлем соғыстардың қажетсіз екеніне сене бастағанда және соғысты толығымен жою туралы шешім қабылдағанда, олар бейбіт қатар өмір сүрудің жолын табады. Меніңше, адам баласының бейбітшілікке деген сүйіспеншілігі жалпыға ортақ. Бірақ, шын мәнінде, соғыс адамдар дауларды бейбіт жолмен шешуге дайын болмағандықтан ғана болады. Қосатын болсам, ұлтты қайратты, оны қадірлі етіп ұстап, оны сақтап қалу бір басқа, оған қаскүнемдік пен бүлінушілік рухын сіңіру бір басқа. Жалпы, біздің қазақ – бейбіт сүйгіш халық. Қазыбек бидің :
«Біз қазақ деген мал баққан елміз,
Ешкімге соқтықпай жай жатқан елміз.
Елімізден құт-береке қашпасын деп,
Жеріміздің шетін жау баспасын деп,
Найзаға үкі таққан елміз.
Ешбір дұшпан басынбаған елміз,
Басынан сөз асырмаған елміз.
Досымызды сақтай білген елміз,
Дәм-тұзымызды ақтай білген елміз.»-деп айтқанындай, қазағымыз – қонақжай, әрі достықты бағалай білген халық.
Қазіргі халықтар «Семсерге сілтегеннің бәрі семсерден өледі» деген ілімнің толық мәнін шын жүректен түсінуі керек. Сонда ғана әлемде тыныштық орнайды. Ал мен үшін бейбітшілік – тыныш, бірлігі жарасқан, достығы мен қарым-қатынасы жақсы адамдардың қасиеті дегенді білдіреді. Сондықтан еліміздің тыныш, әрі бақытты болуы-енді біздің қолымызда!
Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77