COVID-2019
в Казахстане



Вся информация здесь

102805

Выздоровевших

107833

Зарегистрированных случаев

3486

Зарегистрированных случаев в Костанайской области

1725

Летальных случаев

Новости

Облыстық Құран жарысы болып өтті

Онда жеңімпаздар Құранды оқу ережесі мен мақамы бойынша анықталды

Облысымыздың Сарыкөл ауданына қарасты Тимирязев ауылында «Омар ата» мешітінің 7 жылдығына арналған «Құран – сенің шапағатың» атты облыстық Құран жарысы ұйымдастырылды. Оған ауыл жанашыры, жомарт жүректі азамат Меңдібай Омаров демеушілік жасағанын ерекше атап өткеніміз жөн.

Жарыстың ашылу салтанатында облыстық «Марал ишан» мешітінің наиб имамы Дархан Сыздықов уағыз-насихат айтты. Омар атаның ұрпағы Амангелді Омаровтың сөйлеген сөзін жиналған жұртшылық ұйып тыңдады.

Сарыкөл ауданының жуырда тағайындалған бас имамы Нұрбол қажы Балахметов жарысқа демеушілік көрсеткен Меңдібай Омаровқа Қазақстан мұсылмандары діни басқармасының Қостанай облысындағы өкіл имамы Бахытбек қажы Тәжімбеттің Алғыс хатын көпшілік алдында айрықша құрметпен тапсырды.

Осынау басқарманың өңірдегі өкілдігі өткізген шараға аймақтың аудан, ауылдарынан мешіт шәкірттері қатысып, өздерінің тың ізденіс үстінде екендігін көрсетті.

Мысалы, Құран Кәрімнің 1 және 1,5 парасы бойынша сынға түскен қатысушыларды қазылар алқасы есте сақтау қабілеті, оқу ережесі (тәджуид), мақамы бойынша бағалағандығын тілге тиек еткеніміз абзал.
Жарыс қос кезеңнен тұрды. Алғашқы кезеңде 1-орынды Арман Алдиярұлы иеленсе, 2-орынды Медет Бақытұлы, 3-орынды Айбек Аманғалиұлы жеңіп алды.

Осы аталғандармен қатар, жарыстың екінші кезеңінде бірінші орынға Абай Құланбаев, екінші орынға Бекболат Қайратұлы, үшінші орынға Мақсат Абайұлы көтерілді.

Ешбір қатысушы ескерусіз қалған жоқ. Оларға ынталандыру сыйлықтары табыс етілді.

Жоғарыда аталған жарысқа қатысушылардың ең жасы – 8-де болса, ең үлкені – 81 жаста еді. Әрине, қашан да ізденіс өзінің жемісін береді. Бұл жарыстан кейін арнайы дастархан жайылып, Құран оқытылды.

Аягөз КӘКІМЖАНОВА


Много сидишь в социальных сетях? Тогда читай полезные новости в группах "Наш Костанай" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-776-000-66-77